عبرة

كتب شاب على حسابه 

على الفيس بوك....

صحيت متنكد ومش نايم غير 4 ساعات حكتلي امي روح جيب فطور ..

بعد الحفلة الي عملتها رحت وطبعا كالعادة ما رجعت باقي المصاري ...

رجعت افطرت ورحت فتحت التلفون وقعدت احكي مع صحابي 

اجت علي اختي حكتلي روح جيبلي دفتر محاضرات لانو دفتري ضاع ...

عصبت وقعدت اسب والعن هالعيشة وما رضيت اجيبلها بعديها بشوي رن علي ابوي بحكيلي تعال السيارة متعطلة والدنيا برد تعال عند السيارة بدي اروع اجيب قطعة للسيارة لا تتأخر لاني بردان 

فصل من هون وبلشت اسب واحكي ليش انا الابن الوحيد بدي اعمللكم كلشي وعامليني خدام للعيلة 

وقعدت وشربت نسكافيه وسمعت اغاني ولبست طبعا على مهلي ورحت بعد ساعة من تلفون ابوي 

وصلت حكالي ليش اتاخرت ثلجت ومن غير شي مريض .. حكتلوا : ما كان في مواصلات 

حكالي : الله يرضى عليك بدك تتغلب معي شوي اقعد بالسيارة لجيب قطعة للسيارة 

صلحنا السيارة وروحنا لقيت امي طابخة مجدرة وانا ما بحبها قعدت اسب واتفشش فيهم كلهم ابوي حكى لامي استحمليه والله تعب معي اليوم 

اجت امي علي وحكتلي اسفة يما نسيت انك ما بتحبها اعمللك بيض او اسخنلك دوالي من مبارح 

حكتلها بديش هسا اتذكرتي بديش اوكل ضليت زعلان طول اليوم وما تعشيت ضليت بالغرفة ونايم 

صحيت كانت الساعة 11 بالليل ما لقيت ولا واحد بالبيت رنيت عليهم حكولي هينا جايين 

بعثتلي اختي عالواتس رسالة حكتلي والله ما حد قدك رحنا نجيبلك كيك وهدايا علشان عيد ميلادك وبدنا نعملها مفاجئة بس لا تحكيلهم اني حكتلك اعمل حالك ما بتعرف 

انصدمت😮. . اليوم عيد ميلادي وانا ناسي 

وهمة اتذكروا قبلي وكمان ليش صحابي ما عيدوا علي وجابولي هدايا ؟؟؟ 😠 انا بورجيهم 

ضليت استنى طولوا رنيت عليهم كل تلفوناتهم مغلقة 

اجاني اتصال مكتوب ( 911 ) حكيت الله يستر 

بحكيلي بتعرف صاحب الرقم 078*******

حكتلوا اه ابوي هاد ... حكالي البقية بحياتك اتوفى هو وزوجتوا وبنت كانت معهم بحادث سير

😢😢😢😢😢

شووووووووووو 

لا منشان الله انا وعدوني انهم جايين حكولي رح يجيبوا الكيك 

يما والله لمجدرة زاكية والله كنت بدلل عليكي يما تعالي والله لاوكل شو ما بتطبخي 

اختي والله بمزح تعالي والله بشتريلك الف دفتر والله على حسابي 

يابا تعال والله لاجيك ركاض واجيب واحد يصلح السيارة وعلى حسابي وانتا خليك مرتاح 

تعالووووو والله لاعاملكم منيح واضل اضحك معكوو

😢😢😢😢😢😢😢😢😢😢😢😢

بس تعالووووو منشان الله

عامل اهلك منيح وخليك معهم عيشوا الحياة وانتو بقرب بعض ما بتعرف متى الموت رح يزوركم ما بتعرف شو ممكن يصير 

اوعى توصل لمرحلة .. حين لا ينفع الندم ...